Imaš zanimljivu vijest i želiš je podijeliti s nama?
ŠVICA – Na samu Ivanju, a tako to bude najlipše, bila je u švičkoj crikvi berma. More to bit i kaj drugi dan, već kako biškup oće i more, al na svetoga Ivana je to ono pravo.
Ve godine se sve poklopilo, subota (ne dela se), Ivanja, došal biškup Mile Bogović mašu reć i bermat, biškup Zdenko je negdi po svitu, a plovanu Mili Rajkoviću se odazvalo i dost drugi popov. Bilo je lipo, bilo je baš nako kako treba bit, biškup je rekal mašu i podilil bermu, ve godine je bilo sedam bermanikov. Lipo obučeni, svi u crljeni kikljami, preko ramena bela pinta, koliko moremo primetit to samo u Švici tako. A nakon ča su se z biškupon i plovanon poslikali, svaki svojoj kući proslavit, kako je i red,
M. K.