Imaš zanimljivu vijest i želiš je podijeliti s nama?
KONPOLJE – Don Angjel je već bil izgubil dobar glas koliko je divanil o škulji ka se napravila pred pučkon školon u Konpolju, i reci danas, i reci jutra – ma da, niki ni repon. Unda je uvatil slikat i pisat, pa piši, pa piši, ma sve je jagodice na prsti saderal, jopet niš. Red njemu bilo pušćat vragu tu škulju i prestat o njoj brndat. Jerbo ča mu vredilo? Ma ni koliko je crno pod nokton.
I borme se reši, vi dani poljalo zericu asvalta i začepilo tu legendarnu škulju. Tako se više ne će preko škulje preskakevat kase bude u školu išlo. Eto, kase oće, oće se, a kase ne će, ne će se, pa da Boga imaš na leđi.
M. K.