OTOČAC – Dojadila va vrućina i vragu i bogu, oće duša van. Kako ljudima, tako ni drugin božjin stvorenjima ni lako. I njima je vruće, nego kako. Je da su race od vode, je da plivedu kadi god moredu, makar i u lavoru, je da po vodi brljadu i ranu tražidu, sve to je, al jopet, jopet, i njimi je vruće.
A kako i ne će bit kad imadu noliko perje na sebi, očupaš ednu racu i eto ti man pol kušunela. I unda une to perje još pomrsidu svojin salon iz trtice, pa in tekar vruće. Za poludit. I kako božja marva ni munjena, i ona se u vodi razlađuje. Lipo se vidi na sliki da su sletile na vodu, na Gacku, i da se uz kraj peljužadu i perje namačadu. I pinjadu se. A ki zna, morda i tekutov imadu pa se ne moredu naklatit. More bit, svačesa more bit. Jerbo kad je vruće, unda se ti tekuti tekar uspažaridu i uidadu …
I.B.
Foto: bog zna ki