Imaš zanimljivu vijest i želiš je podijeliti s nama?
OTOČAC – Vi dani popi imadu pune ruke posla, te tote je spovid, te tote su priprave za Cvitnicu, te tote se vježba z dicon Muka Isusova za Veliki petak.
Na ednu stranu popi spovidadu, ki brže ki sporije, al nekako gre, odmiče. Pokore koliko oš, ni u šajtrogami je ne bi mogal poturkat jerbo se grija nakupi, kako ne.
Na drugu stranu otočki plovan z dicon vježba Muku, ženskice se nešto i čujedu, muški pod Bogon niš, konda su mutavi, da nas Bog slobodi grija, pop se ljuti, red je ponavljat po stotinu puti.
Mora se reć da je na delu – duovni kaos, a valjda tako prije Vazma mora i bit, nego kako. Ne moremo Uskrs dočekat kaj nima marva, ipak smo ljudi.
I.B.