KONPOLJE – Pa daj vako, pa daj nako, ne bi se šapračju i travi naboril pa da imaš Boga na leđima. Dovrgal se tomu i don Angjelo, konpoljski plovan, oće se grmlje uselit u plovaniju, zmije se raspulize po pragu, ne moreš se ti tomu zlu naklatit. I onda moli se ljudima ve godine da prokrešedu popovu stranu, moli se druge godine, neki dojde, neki ne dojde, neki nikako ne dojde, unda vajk pitanja a zač mi vajk isti, ča je to samo naša crikva, takovi pitanjov ima koliko oš.
Dojadilo to don Angjelu, ma se i u sebi ogrišil kaj nigda i sve se boi da siću toga mu duša raja vidit ne će, rešil un – dopeljat ovce. Neka ovce glojedu popovu stranu pa ne će bit ni grmlja, ni šapračja, ni trave, a borme ni smarda, elte zmij. Pametno, proti prirode – prirodno. A jopet kase zame da narod veruje da su ovce božje, e unda je to pogodak baren – u dva, ako ne i u sva tri.
M. K.
Foto: A.K.