OTOČAC – Danaske na ženskoj placi u Otošcu oš poginut od rožic. Bože nan prosti, pa da se idu, toga je dost. Ne moreš se ni snać, ča kupit? Ve su van za na puneštru, ne van se višadu pod svisla, treće van se sadidu u vrtlacu pred kućon, četvrte van se nosidu na glavi, trgovci tumačidu i falidu. Nema česa nema, ma o i od vraga dlak ima, kasu rožice u pitanju. Ča bi rekla edna gospa, nako malo starja, koj riđovka sidi u geljtašu: samo maminovac! A je, istina, četire kune vamo, pet kun namo, deset ku ode, dvajst kun nunde. Ki ima kupuje, ki nema gljeda i oči pase. Bilo i biće.
A red je kupit, ve godine otočko Gracko vjeće zavintalo Turističkoj zajednici pa una ne će kupovat i dilit rožice narodu. Nema više, ča je bilo, bilo je, kako se narod naučil da mu se badave podili, tako će se borami morat i odučit. Jerbo vlast je vlast.
I.B.