Imaš zanimljivu vijest i želiš je podijeliti s nama?
OTOČAC – Čerišnje, ne domaće i ve dogonske već su na kraju, bi reć. A i neka su, ki se nail, nail se, ki ni, nek sidi. Danaske su na placi osvanule domaće mavunje, ima ni šari, a ima zeleni, žuti, ma svakakovi. E sadaj ki mavunje voli. Neki i na svoje oči ne more vidit. Pripovidala meni moja baba, Bog je pomiluj i raju uzdržal, da je bil neki Vajo, a ki je taj Vajo, to se niki više ne sićuje, i da tako rupil taj Vajo u nečiju kuću baš u vrime južine. A na stolu mavnje najuvu. Nudidu Vaju, el, red je, a on njimi ni pet ni šest: Neje Vajo letava!
A te mavunje, moja baba in je još tepala da mavunjice, moredu se skuvat najuvu, a more i se napravit nasuvo s belin lukom, a more jopet i na salatu. Već kako ki voli, il ne voli.
I.B.