OTOČAC – Oduvik je tako bilo i biće, ki ča ima – tin i klima! Stara je to mudrost, još je moja baba Nane, sićan se dobro, divanila kasan ja kaj dite ča tražil a ni se moglo dat. Unda baš nisan razumil ča klima, ki klima, a sadaj mi je sve bistro. Tako i kad je navijanje u pitanju. U Otošcu ima puno avtov nakinčani crljeno-belin kockicami po haubi, unda barjačićev zaglavljeni za caklo koliko oš, pa jopet na letrovizorima se sve kockice kočidu. Ljudi nosidu sve u crljeno-belomu, majice, šale, rukavice, ma ča ja znan ča sve ne. Siguro ima i ni ki imadu i gaće u takovima farbami (konda se „una“ razumi u farbe, el).
Al kase becikel nakiti rvackima (kockastima) barjačićima, e unda je to vijest sama po sebi. Jerbo ni bitno kadi se i kako ki kiti, bitno je – rvacko srce. E a naš sugrađanin kaj turka becikel gradon na palentu, ima to srce. Pa kudaj ćeš više?
I.B.