Imaš zanimljivu vijest i želiš je podijeliti s nama?
OTOČAC – Rečešu da je zima, more bit i da je, po vrimenu se ne bi baš reklo. Jerbo vo vrime, vakovo kakovo je, moglo bi se protaknut za listopad, a morda i za kraj rujna. Al neka, neka, rekla je pokojna baba Roza, mrak joj na putu, da panti zimu bez posika al bez sniga ne. Uno ča nas je sadaj zaobašlo, nadoknadiće veljača.
A jutro osvanulo lipo, zora rudi, letrika se još ni utrnula, a mladi misec se obisil na vrv neba. Za umrit od lipote. Bila mena, aha. Trbuv mu doli, baba Roza, duša joj se raja nagljedala, je vajk vikala da kad mladomu misecu trbuv doli da će padat. Pa eto, more bit, more. Reklo da oće.
I.B.