OTOČAC – Ma ni ni sveti Nikola ča je negda bil. Negda, ima tomu, red je bilo svečera mećat bucu ili čižmu na puneštru akoš da ti sveti Nikola ča donese. Morada jabučicu, paketić cukric, morda naranžu i to ti je to. A ta buca se morala dopro oprat, čižmica naglancat jerbo ne će sveti Nikola u bilo ča dare mećat. Tako to negda bilo. Pa se budi zoron ranon i leti na puneštru vidite el ča donesal. A danaske izmišljadu nekve čerape, u naše vrime ditinjstva ni bilo nikakovi čerap za svetoga Nikolu, to Merikanac izmislil, van najviš – buce.
A kako to da sad taj sveti Nikola ni ča je negda bil? Lipo, negda je dilil dare samo maloj dici, na kasu se već zacurila i zadičačila, njimi niš. Ča je bilo, bilo je. A vidi ti sadaj, sveti Nikola i starjoj čeljadu počel mećat dare u čižme. I ne treba i vrć na puneštru, ulazi un u kuću i kadi čižmu najde – tur u nju dar.
Eeee, sve se prominilo samo rič Božja ni.
I.B.