OTOČAC – Svi divanidu kako je naprlo proliće, da je sa zimon gotovo. Već narod počel šećat i u kratki rukavi, borami je. A polovica veljače tekar! More još svačesa bit, more, more. Jerbo vi metrolozi su rekli da ne će bit jutroske tako jako ledeno, morda kaj stupanj ispod nule. Al ne lezi vraže, jutroske bilo baš zima, mirilo se i na -7 stupnjev. Sve belo od mraza. Pa ti reci ča oš. Je da će po danu oteplit, al jopet uitro stisne. E sada neki veli da je to dobro siću gripe, drugi velidu da je to dobro siću muv, bub, stenic i tako te gamadi, treći velidu dajdu siću tepline čele poć pozlu, četvrti dajdu voćke krenut a kadi je tekar sv. Sofija u vragu. Svaki svoje pripovida i piva, kako komu odgovara.
A kakovo je vrime jutroske bilo, najbolje je vidit na voj sliki i sve je rečeno. Borami je.
I.B.
Foto: K. Rajčević