OTOČAC – Navukal se narod, postal ovisan, tako veliku stručnjaci da se more narod navuć. I spominje danaske taj narod na placi kako bi bilo lipo imat izbore baren svaki misec dan. Jerbo danaske je placa pusta, skoro pa nigdi nikoga. A, veli narod, prošle srede ni mogla kap kiše past od ministerov, precednikov, političarov. Pa bilo pečeni ribic, bilo pivčine, bilo ušćipkov, svačesa je bilo za užit. A danske pod bogon niš badave, akoš ča u kljun vrć, red se uvatit za žep i kupit. Tako ispalo da političari narod ranidu – od izbora do izbora.
A narod, ima ti un čudne navade, začas se navikne na nešto. Osobito ako mu se ča daje, a retko mu se daje. Daje se nekima drugima, uni vajk uživadu jerbo i je manje i jerbo nisu - narod. Spominjenu Boga i nekvu bradu, Bože nan prosti. Još takovi velidu da ki će celon svitu sve dat, ne more. Pa ti sadaj budi narod, e.
I.B.