Lika nekretnine

Mrazi padadu, rožice se prodajedu ...

Objavljeno: 08.05.2019

OTOČAC – Kroz grad se ne moreš promaknut ča od naroda, ča od rožic, svudaj raščepilo rožice. Rožice prekrle Otočac. I ne samo rožice, prodajedu se tote paradajzeli, paprike, rano zelje, modro zelje, koraba, ma svakakove lopošćine se prodajedu. A sinoćke šurnul mraz, ki je ča u zemlju zabol, jutroske samo štabrljice. Pa ti kupuj!

Vi ča prodajedu falidu, nudidu, babe se nećkadu, da i opeklo, da su kupile u posadile a mraz da bere. Dajdu pričekat. Edna gospa veli da niš od kupa dok ne projde ta nekakova vratarnja sv. Sofija, a una tekar u polovici miseca. Jerbo da ta sv. Sofija sve pobra. A unda jopet edna gospa dodaje da se treba držat stare prognoze, da treba čekat Spasovu jerbo da je stari narod divanil da Spasova mora fažol zateć u zemlji. A ta Spasova ve godine fort kasno, tekar tamo 29. svibnja. A unda se treća gospa gradi pametna i veli da to kasno, da će unda zapeć i da će sve suša ubit, da to kasno čekat. A va druga njoj da nek unda una kupi, ki joj brani …

I.B.

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr