Lika nekretnine

Eto berme i u Konpolju!

Objavljeno: 20.05.2019

KONPOLJE – Don Angjelo je vi dani kaj navito kolo, ne zna se kudaj će prije, ča će prije, sav se dal u petu brzinu. A kako i ne će, posla svrv glave, eto berme! A samo ča berma pasa, eto ti i prve pričesti. Za poludit mu je.

Tote se z dicon utvrđujedu verske istine, tote vježbadu kakojdu uć, kakojdu stat, kakojdu s epomaknut, tote su spovidi za ve ča se bermadu. Pa unda popi upeljali spovidi za ćaće i matere, pa za kume, pa za užu i širu familiju, pa za konšije, ne moreš ti tomu na kraj stat koliko je ti spovidi. Grija, da se ni ne divani, traje to. A negda ni bilo tako, spovidaj se naj ki se berma i pred biškupa. A vidi ti sadaj teatra.

Berma je 26. svibnja, u nedilju. Kad ni cure, dobra je i baba, rekli bi stari Konpoljčani, doće biškup Mile, biškup Zdenko je Bog zna kadi.

A unda samo ča mine berma, eto ti 2. lipnja i prve pričesti. Al to će don Angjelo lako, netreba bišupa pa man to lakše gre, dakako.

M. K.

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr