Lika nekretnine

GAČANSKI OROSKOP


(20.2.-20.3.)

Posal

Vajk se vami nešto po frštuntu muti, te bi ovo, te bi uno. Kad bi se vaši plani ispunjavali, uuuuu, koliko bi togaaa biiiilooo. Ovako niš. Stotinu poslov započmete, a ni 'ednoga ne smirite. I još ste u brigi i škrbi siću toga. Giljta van kad vas ki pofali kako svačesa smislite, ajme radosti. A još kad bi vas pofalilo ča ste napravili, niki van ravan ne bi bil. Mislili ste da je zima najgora, a uno ni proliće van ne će bit bogznača.  Ni' sramota tražit pomoć, nemojte se toga libit. I nemojte se previš poidat oko beskorisni stvari, poidajte se oko ni' drugi, treba'će van živcov. Ne dopušćite drugima da van se pekljadu u posal.

Ljubav

Ako ne bude ča konkretno, a vi morete zamišljat. Ma to van i drugi deladu, samo mučidu i gradidu se pametnima. Srićon još niki ni u tuji frštunt ušal da bi znal ča ki misli i ča snuje, el. Patner će van trebat više pažnje, nemojte škrtarit baren na tomu, ako škrtarite na „'nomu“. Ako budete stisnuti kaj Beč u kesi, ne ćete izbić barufu. Plaćajte, ionako bi platili da u kakov puf pojdete, pa van svedno.

Zdravlje

Da će van srce preskakevat. Samo siću česa?

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr