Lika nekretnine

GAČANSKI OROSKOP


( 21.3.- 20.4.)

 

Posal

Kako je vas lako drugomu u privor poslat, red se primorat na posal. I tako celoga miseca, nema „lako ćemo“. A jok! Ki bude vridan, pobra'će sve ča se more ćapit. Drugi vajk tako, a vi gljedate i vajk mrnjgate kako uni. Brige vas za druge, uvat'te se posla pa će i vaša mačka imat mlika. I unda k tomu vi ste vajk s nekin preko prsta, tako se ne more naprvo, ma kakov. Mudro i pametno, pa će svega bit. A vi ki za kunu kupujete a za dvi prodajete, i na tomu zarađujete 1 posto, vami gubica ne će moć pokrit zube. Svakin danon bi'će sve više i više posla, snig nakinul gran, srušil krovov pa će posla bit kaj u pripovitki.  Zvezde velidu da valja prišparat, ajd vratre prišparaj kad svudaj zjapidu bezdane jame. I još velidu da'jdu vas snać nekvi neočekivani trošci. Moredu lako i pogodit.  

Ljubav

U ljubavi ne će bit kaj po loju, to samo tako mislite, a mislit i ... (nešto drugo) je isto. Vi se ufate, al ufanje zna prevarit. Puno išćete, a 'naj drugi ni' baš da oće sve ispunjavat. Zato se morate spušćat na zemlju i vatajte se 'noga ča se more uvatit, a ne lepršat visoko. Nametnu'će van se 'edna pršona, pas'te da vas ne napelje na šupalj most. 'Nima ki medidu, ni za verovat svaku. I pušćite na mir „simpatičnu“ pršonu, valja proverit ki je i ča je.

Zdravlje

Bi'ćete nekvi konda vas je isprebijalo, kaj mrcina, da prostite. Ni' to od prolića, ma kakov, u navadi je.

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr