Lika nekretnine

GAČANSKI OROSKOP


( 21.4.-21.5.)

 

Posal

Bilo bi lipo kad bi mogli svaki posal obavit na vrime, al' vi niste takovi, daleko od toga. Vami vajk ima vrimena, dospi'će se, da živete kaj kornjača 400 godin, morda bi ča i dospili, 'vako.... A zvezde velidu da vas moredu ukebat kako zabušavate. A vi jopet mislite da ste toliko mudri da vas ne'jdu ukebat. I tako se lovačkate pa dok gre, gre. Al' eto ti ga na, sve više ćedu van posla davat, ma koliko se vi tomu klatili. Niš van ne će bit jasno, bi'ćete kaj u magli, i ne'jte moć sve na svoje oko zet. A kod kuće, ma bolje ni ne divanit, sve po vami, pa po vami. Tote se ne morete isfuknut pa da i o'jte. Eeeee, na koga se vražja juva prolje.  

Ljubav

Ni' van lako, uvukli ste se u se kaj puž-muž u svoju kućicu. I dok vi tako iznutra špijate, drugi delkadu, o vami lajedu li lajedu i vašega patnera sve dalje od vas ćuškadu. Zato iz kućice van, nema niš od sakiranja, nego pravo pa med roge (ili ča drugo) kad je u pitanju voljena pršona. Od mučanja nema niš, a jok. Morete je i kakovin čarobijama povrnut, al' to ni' vajk siguro. Nešto se mora učinit, pa ča bilo da bilo, ta pršona to od vas očekuje, pa ako i ukrivo krenete ne će bit od štete.

Zdravlje

Nekako će van se stužit, kaj u žličici da van sidi.  Bi'ćete nikakovi. Polovicon ožujka bi'će van za krepat od glave, to od kvatar.

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr