Lika nekretnine

GAČANSKI OROSKOP


(22.5.- 21.6.)

 

Posal

Vami se ožujak po 'vomu pitanju fort smije. Al' ni' to badave, to ča van se nudi kaj na pladnju, treba znat zet. Valja najprvo verovat sam sebi da bi van i drugi verovali. Zato ne smi'te sebe držat kaj zadnjega repa. I valja se opušćat pa će sve ić bolje, ne valja kad van nešto kaj u prknjavcu ćući, to ne. Nemojte bit munjeni pa ča god van ki ča reče da obavite, a vi muče to privatite, treba se znat oklatit. Do'će van da puknete, a ako puknete čiji ste unda? Sve ima svoje vrijeme i kad ga prepoznate, slobodno zapnite.

Ljubav

Ljubav se kod vas više ne će zvat ljubav. Ni Lj od ljubavi. A ča se tiče 'noga ča je kaj lanjski snig, odma' se toga rešavajte, ako mislite imat kakovoga-takovoga mira. I nema smisla da vajk nekomu pružate nekve prilike, osobito ako vas taj iskorišćava i pravi medvidon. 'Edna će vas pršona svaki dan iščekivat, a vi slipi pa ne vidite. Progljedajte!

Zdravlje

Uuuuu, po'će po vragu tlak, đika'će toliko visoko da će se doktur onesvišćevat ča ste vajk još živi. Ako se vami bude svistilo, to van je od toga, pa je red guzici reda dat. Ča je slanine i mrsa bilo, bilo je, sad na vitamine.

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr