Lika nekretnine

GAČANSKI OROSKOP


(23.7.- 22.8.)

 

Posal

Bi'će posla i vragu, ne ćete 'edan smirit, eto ti drugoga, i ča vi budete više i brže delkali, to će bit više posla. I pita'ćete se 'este li vi toliko munjeni, el bolje manje delat pa se manje i satirat, il više delat i više se satirat, kad tomu kraja nema. Ni zvezde tomu nisu pametne, pa velidu da treba delat s meron, ne svorcivat na se, ali ni funjat se. I kod kuće puno brig, zvezde velidu da ćete morat rešit edno veliko obiteljsko pitanje ko vas tišći već vrag zna otkad.  Ako to rešite, na konju ste. Zato nemojte bit sitničavi, bolje nešto i dat da se svoga mira dokopljete. 'Ni ki kaj o'jdu u novi posal, ni' vrime za to. Ta vidite kakovo je stanje, da je sve u banani. I vi bi baš sad u posal, borati!

Ljubav

Greba'ćete se zubi i nokti za svoju ljubav, i rastirevat sve 'ne ki sumiradu primaknut joj se. Al' to će imat svoju cenu, ča vašoj ljubavi pane na frštunt, to ćete joj morat ispunjavat. Zna una u komu grmu zec leži, aha. Ni' ljubav jeftina, ma kakov jeftina. I još ćete se smijat, konda van vrag zube vadi. Al' uz svu svoju ljubav, ne će van vratar dat mira, oko će van letit nudaj kadi ne treba. I lako bi u grij mogli past, a ča unda s vašon ljubavi?

Zdravlje

Ne će van san tit na oči, pa ne će. I unda kad oči premrižate, sanja'ćete da Bog slobodi kakove sanje. Aaaa-uuuuu!

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr