Lika nekretnine

GAČANSKI OROSKOP


(23.8.- 22.9.)

 

Posal

Vami će ožujak proć kaj i veljača, u ničemu. Takovi ste vi, el'. Sve će oko vas teć 'nako samo po sebi, kaj da vas ni nema. Delali, ne delali, isto van se piše. Ča vi napravite, s vragon moreš podilit. Zato van se nakulalo puno posla, ma za tri čovika, ne ćete bit u stanju rešit to ča se na rpu vrglo, a kamoli se uvatit novoga posla. Poznati ste po tomu ča vajk divanite: ne moreš dospit, ne moreš dospit. A ni ne provate dospit. E kad bi jezik delal posal, ki bi van bil ravan. Zato ćete se dovrć da je bolje unda ni ne započimat posal ako se ne more smirit, i mirna Bosna. Prova'ćete drugima ča pretovatit, al' mudri su, ne'jdu se dat.  

Ljubav

Kod vas bi se svi drugi trebali ugljedat u vašu ljubav. To je ljubav! I unda kada zakažete, niš se ne će pošeremetit. Sve u svemu, tote će bit zadovoljstva sve do dvadesetoga u misecu. Unda je moguće da ćete se razdvojit od vaše ljubavi. Ni to ne će niš pošeremetit, i vi i vaša ljubav ste suleni da iča napravite mimo.

Zdravlje

Muči'će vas grebenica. Dokturi ćedu van reć da ne smite niš teško dizat, da se ne smite grbit, da ne smite previš sidit, da ne smite previš ležat, pa kako unda?

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr