Lika nekretnine

GAČANSKI OROSKOP


(23.10.- 22.11)

 

Posal

Sve će u vami vrvit, i tako celoga miseca, kaj mravinjak. Edni ćedu van se čudit, a drugi ćedu van prištrucat da ča se vi kaj gradite vridni, a da su unda drugi niš koristi. Narod to ne voli, a jok. Na to ćete samo odmanut repon i još bolje prijonut poslu. I unda ćedu se dositit i razvlačit vas od vraga do sotone. Krajen miseca ćete doživit nešto ružno, a za to ćete bit sami krivi. Košta'će vas jezik, svačesa ćete reć i svašta napravit, pa će od toga bolit glava. Siću toga morete past i u nemilost svoga šefa, a to ne bi bilo dobro. Zato pamet u glavu. I zvezde još velidu da se manete ti' nekvi kartic, da i' ne tiglate i ne gradite dug. Tako velidu, borami da.

Ljubav

Ja, pa ja, vi vajk tako, a to ljubav ne voliiiii. Siću toga ćete se morat suspregnut, mora'ćete popušćat. Od pravde i naticanja maka na konac – niš. Valja van proširit poznanstva, zlu ne trebalo, ako ča po vragu pojde, nek se drugo ča najde. Al' jopet, bu'te mudri, ako je med sladak, ni' prste za odgrizat. Lako ti je varat, sve dok vas ne ukebadu, a unda? Siću gluposti morete izgubit nekoga ki vas je jako volil.

Zdravlje

Nešto će vas šćipat na desnu stranu ispod lebar. Ni' tišćac.

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr