Ma se u Širokoj Kuli igralo i pivalo, i kripilo, je borami

ŠIROKA KULA – Sinoćke je u Širokoj Kuli bila Prva smotra KUD-ov, a tote je bilo i Folklorno društvo Otočac. Vera Dasović, a una i pelje, je nekako uspila i' sastavit: neki maganjati, nekima nos curi, neki prokašljali još od Lipe Naše na Plitvicami. Slabo se obuklo pa praozeblo, čaš. Štrcni van, štrcni unutra i začas nazebeš (more se ode prominit i kaj konzonant, ne će se puno pogrišit).

I tako dok mladi na bini pivadu i đičedu, starji se držidu svoga dela. Tako je bilo, ne smi se časa časit ni štentat. El, svaki dela svoj posal, ženske pletivo i žbice u ruke, red je čerape za zimu plest, a muški, muški se uvatili svoga posla -  pijedu rakiju. Svaki svoje dela, kaj ča je i red. I još se ednin okon na mlade pripažuje, nigda se ne zna ča njimi more na frštunt past, nigda … Još k tomu kase zame da je postalo malo studenije, red se ugrijat, ki igron, ki rakijon. Tako bilo i biće.

M. K.

Foto: V. D.