Imaš zanimljivu vijest i želiš je podijeliti s nama?
OTOČAC – Ne more se reć da u Dubravi ni svitlilo, svitlilo je, noliko koliko svitli, ku uru i gotovo. Velidu ekolozi da je to dobro, da svitlo smeta šišmišima i ticami, da smeta čvrčcima, letprima i muvami, da je škurina dobra. A unda jopet velidu da ima to nekvo zagađenje svitlon, da se ne moreš u nebo bečit i zvezde gljedat (borati, konda se mora u zvezde gljedat, čaš i gljedat?, une su vajk na svomu mestu gljedal unji il negdljedal).
E vi dani se kroz otočku Dubravu minja svitlo, dosadaj je bilo malo, a sadaj mećedu svitlo na dugačkomu šćapu. Tako dajdu Dubravnjani ocad imat svitlo – na dugačkomu šćapu. Valjda da in se uklopi, jerbo in je i sve drugo na – dugačkomu šćapu. Tako narod veli, borami da, a valjda narod zna.
I.B.