Imaš zanimljivu vijest i želiš je podijeliti s nama?
KONPOLJE – Blago ti se Konpoljčanima na vakovmu popu, un in dojde kaj sveti Franjo, ako oko njega nema ljudi, unda imat mačketin. Nigda ni sam. I da oće, ne more bit, vajk neki grebe po vrati, bilo krst, bilo mačka, pas, čak mu i ježi dolazidu, veli narod. A un sa svakin lipo, a kasi s nekin lipo, ne moreš ga se oklatit.
Ali ima don Angjelo recept, ima, un se u plovaniji utaja, kaj nema me kod kuće, a ti zvoni, grebi, lupaj po vratiman, laj koliko oš. Prokušana i delotvorna metoda. Da ni tako, bi don pomunjenil sa svin svega. Ako je pop, i un je čovik. I njemu treba mira.
M. K.