OTOČAC – Reklo na „vrmozi“ – tako je divanila naša baba Luja za prognozu vrimena, reklo da „vrmozi“ da će past mraz – i pogodilo. Znadu vratri pogodit, retko kad omanedu. I kadi će mraz past neg kod nas, u Gackoj, konda ni nigdi mogal već ode. I unda mi man dospili na radio i televizore, ako se Otočac po ničemu drugomu ne spominje, baren po tome. I na tomu treba Bogu zafalit, fala mu, al jopet, jopet, ni se maril prešit s mrazon. Dobro, ni mraz bil kaj snig, tekar je počel, ima vrimena.
Istina i Bog da su neki godin mrazi znali past i ranije, sićujemo se da je to znalo bit i prije Male Gospe, al retko. E sadaj pok je to globalno zatepljenje, mi se kaj privikli da crne muve pršedu sve do Božića pa se kaj čudimo. Čemu se čudimo? Mrazu? I tako se mi čudimo mrazu kaj tuke … nečemu, da prostite.
I.B.