Lika nekretnine

Kad postelja na zornicu ne će

Objavljeno: 02.12.2019

KONPOLJE – I u Konpolju su zornice, ali tekar u 7 uri uitro. Ni potribe da budedu ranije, ki će doć – doće, ki ne će - ne bi ni da su zornice u podne. I koliko god mi novomu narodu prištrucali da mu je vera slabašna, ruku na srce, ni ni negda bila veća.

Bilo to sad morda pred edno sedamdeset – osamdeset godin. Zornice su bile, kako in i ime veli – zornice, fort rano, verni narod se po mraku potrkeval i išal crikvi. Jerbo zora mora verni narod u crikvi zateć, a ne kaj sad. I neki su išli, a borme neki i nisu, bilo in se muka po zimi iz postelje dignut i po studeni na zornicu poć. I pitali ednu Anu: Ana, a zač tvoj Lukina ne dolazi na zornice nigda? A una lipo njimi: Ma, žene moje, bi un, verujte meni, al postelja ne će. Eto, tako je to negda bilo, pa nek divani ča god ki oće.

M. K.

 

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr