Imaš zanimljivu vijest i želiš je podijeliti s nama?
ŠVICA – Čera popodne, rupil sveti Nikola i u Švicu. A zač ne bi i u Švicu? Je da je došal kasno popodne, a ni prije stignal, puno posla pa to ti je. A lipo je bil obučen, baš kaj biškup, u lipe popovske kiklje, imal je i mitru na glavi.
A dok se spenjal do švičke crikve, ma je stenjal pod velikon jutenon vrićon, vrića teška od darov. I unda su lipo k njemu pristupala dobra dičica, a un njima svakome po vrićicu cukirc, čekulade, žvakaći gum, ma ča se već našlo.
Svi zadovoljni, zadovoljan sv. Nikola, zadovoljna dica, zadovoljni popi, mame, ćaće, babe, dedi, ma svi. Tako i treba, nek se zna da je čera bil blagdan sv. Nikole. A nekakov, Bože nan prosti, Ded Mraz ili Ded Božićnjak, i takove nekakove izmišljotine.
M. K.