Imaš zanimljivu vijest i želiš je podijeliti s nama?
OTOČAC – Eto, dočekali smo i Sveta tri kralja, a kad dojdedu Sveta tri kralja i masnica se valja. Tako se oduvik vikalo, borami je. Edva dočekaj da se od one finine za Božić i Novu godinu krst zericu odmakne i da u kljun ča prostoga vrže, da dojde na se. A kućeš bolje od masnice, el mrsna – je, sve mast iz nje pišći, ima li puno testa – ima, moreš tri štrudela utakat, ima li ti nekvi kalorij – koliko oš, da infarkt man dobiješ. E pa to je unda to! Puna mura, neš brzo ogladnit, moreš bit nako štanji dobar komad dana. A ne ve druge stvari lizi-blizi, dok se dvaput okosebe okreneš već si gladan i obazdireš se okosebe kadi ča puist. Kase ti natučeš masnice, kapac si podurat, nego kako.
I.B.