OTOČAC – Čera bila Svićnica, a moja je baba, Bog je pomiluj, znala reć vako: Majka Božja Kandelora – pol zime fora, za njon gre sveti Blaž – Gospe, to je laž. I po tomu, po mojoj babi, po Kandelori i svetomu Blažu još bi trebalo bit zime, i to ohoho. Jerbo Kandelora veli da je prošlo pol, al sveti Blaž ne da joj zapravo, misli un da je još više od polovice zime. I sadaj ti budi pametan, pa tekar kase zame globalno zatepljenje, unda čovik mora bit munjen.
Evo i visibabe i visidedi su pomunjenili, već procvetali. A ni pivčići il jaglaci ne zaostajedu, sve se od nji žuti. Jopet se tote nadule božje ovčice, na pedalj i pol narasle, samo ča se ne rascvetadu. Biće veselo ako po njimi rukne snig, sve će i potrit. Pa jopet se cicibe uspival, pivaj ti pivaj, maš još dobit po mudima.
I kako sadaj pametan bit oće bit još zime, ne će bit. A biće kako bude, borami oće.
I.B.