Lika nekretnine

Ki ovo sve prežive - pripovidaće

Objavljeno: 24.03.2020

OTOČAC – Eto, proliće je. U voj vratarnjoj koroni nismo se ni sitili da je došlo proliće, no pravo, po kalendaru. A kako se sve prominilo, samo Božja Rič ni, tako u proliće pada snig, kad ni padal preko zime. I jopet smo došli do ne stare pametne starinjske, ku je pripovidala stara čeljad, da pantidu kad ni bilo posika za zimu, al kad ni bilo sniga, da to ne pantidu.

I baš kasmo mi moderni, el, tako sebi volimo tepat, već pomislili kako bi bilo dobro opanke za avte zaminit nin letnjima, eto ti vratre sniga. Ma ne zerkicu, van pada un. Mete. Vijavica prava da se ne bi sramila ni da je u sred zime. I zaladilo, tenperatura se u toplomjeru sklapušala ispod nule.

Stari bi narod rekal da nesrića ne gre sama, pa ne gre, kudaj korona, tudaj potres pa na kraju snig i vakova studen. Jopet bi stara čeljad rekla da kazna Božja. Morda i je. Ki prežive, pripovidaće.

I.B.

 

 
LJETO U HOTELU JEZERO
LiveCam Otočac
SenjskaBura.hr
GlasLike.hr