Imaš zanimljivu vijest i želiš je podijeliti s nama?
OTOČAC – Prava je istina da se živomu krstu more svašta dogodit, a mrtvomu samo edno. Evo, u garaži na sidu ostalo na čavlini visit ono nač se metne petnjak s rožicon. Rožice odavno nema, ma ki se više i sićuje ča je š njon bilo, a to ostalo. U kući ne treba, ma kakov, po novomu zidu čavle zabijat. Ki to vidil!? Unda ispalo i iz mode, ma da.
I unda ako nami ne treba, nekomu je trebalo. Došla tičica i vidila da bi se tote lako moglo gnjazdo sagradit. Visoko je, ne more macan do toga, u zatišju je, pa kuš bolje. I ona gradila i gradila gnjazdo, sabirala mašinu oko kuće, napravila lipo meko, snesla totekar jaja i borme se izlegla, mali tičići ćirkadu van. Eto vidite kako sve ima svoje mesto na vomu svitu.
I.B.