ŠVICA – Danaske je Ivanja, veliki zbor u Švici. Baren je tako negda bilo, na Ivanju se dolazilo od Vrila do Bila. Cure i dičaci su išli na ugljede, i naši i njevi, a Bože moj, to je negda bil njev „disko“ ili „tulum“. Pa se šeći Švicon iz noge na nogu gori-doli, pa igraj kolo, pa započimlji u kolu, naj ki je imal grlo, naj ki ni imal ni grlo pušćeval, da se ne prdači. Unda, unda su cure sebi šile robice za zbor, trebalo se pokazat. Jerbo ni bilo lipo curu vidit u istoj kikljici na dva zbora, osim sirotinje, ta ni mogla pa to ti je. A jopet, cure su prebirale na kaj ćedu zbor poć, ni bilo lipo da „svaki zbor curu pozne“, tako se divanilo. Morala je pazit nase, da ne bi bilo da joj je prispičilo udat se poč-poto. Dalo bi se još puno toga reć, al eto.
Danaske će mašu u pet popodne peljat Mila Šimunović, a verovatno će mu od pomoći bit i još kaj pop. Ta ni Ivanja samo tako.
M.K.