OTOČAC – Čera je bila Petrova, blagdan svetoga Petra i Pavla. Al kad narod kaže Petrova, unda se misli nekako na to vrime kadaj pane Petrova, i prije i kašnje, baren nedilju dan. Sve je to Petrova. I u narodu ima edna od starine uzrečica: grije kaj u Petrovi. Oće reć da je vruće kaj u Petrovi. Jerbo ne kaže se da grije kaj u Karmenici, il u Ilinji, prenda je u Ilinji morda još i vruće, ma je, je. Van kaj u Petrovi. Da ti srce puca od vrućine. A zač je to tako, valja zato ča je to prva prava letnja vrućina. A tadaj se kosilo, prevraćala trava, spravljalo, zdivalo brklje i stoge, i sve po suncu, pa vruće, morda i zato. Prva velika vrućina, a unda se narod nauči na vrućinu kaj magare na batine pa više ni ne obadira. More bit, more.
A ve godine smo mislili da Petrove ne će ni bit, pa ledeno, pa studeno, pa pada kiša, pa se namrgodilo. Al eto, bila Petrova, i je još vajk.
M.K.