Lika nekretnine

Ma dobro, ni baš zardal, al palo ga je

Objavljeno: 03.12.2020

OTOČAC – Jutroske zardal snig, reklo. Ma dobro, ni baš tako zardal, al palo ga je kako kadi, negdi pedalj, a negdi i do pol lista. A mi sve nako, ma neće valja, to uni samo tako rečedu. Al nan se naše ufanje da će past malo sniga ni obistinilo, čaš. Zima je.

I jutroske je red bilo lopate u ruke i gradit prtine. Naj ki ima kakov stroj, e taj se puše i diči strojen, zuji to kaj stotinu vragov, a snig sve frca konšijami u dvorišće. Neki se ljutidu, neki ne, kako ki. Neki samo mrnjgadu. A narod kaj narod.

A jopet, narod se fort sobistil, til bi mu da mu neki snig prokida lipo do praga, ma da mu i škale omete. Jerbo da to taj neki drugi mora. I još se ljutidu kako sve ni raskidano, kakojdu van, kakojdu u školu, na posal, kudaj li sve ne.

Jopet kase sitimo kako je negda bilo, dica su prtila celac da bi došla do škole, ma kakova prtina! Narod kaj je išal na posal u fabrike, a une su negda počimale u šest uri uitro, još škurina, prtili su kilometerima da bi došli. Smoči noge, suši se u školi il na poslu, pa ako je prtina napravna dok se gre kući – puna šaka brade. A vidi ti sadaj? Ako je i prst sniga – zač ga nisu očistil? Došal vrag na svit, pa to ti je. Il je to morda gospošćina? Il morda lenost, ma ki bi to mogal znat.

I.B.

 

 
Programi obilaska jezera
LiveCam Otočac
SenjskaBura.hr
GlasLike.hr