Imaš zanimljivu vijest i želiš je podijeliti s nama?
OTOČAC – Zaškurilo se i namrkilo se konda će nebo past na zemlju. Eto, samo ča Sisvete nisu, tako izgljeda pa nek reče ča god ki oće. Zateplilo da teplije ne more bit, a narod od tepline samo ča rukavice ne nosi. I kupuje, na ženskoj placi kupuje.
A na placi same lunbrele, ne moreš se promaknut od lunbrel. I curi kiša, edan se čovik ljuti na ednu gospu da mu njezina lunbrela piša baš u čižmu. Una njemu da ča se prilipil, da ča se ne odmakne. Unda jopet edna ženska skoči na drugu da neka ne klati svojon lunbrelon jerbo da još žicon dobro ni oko iskopala. Treći se ljutidu da se med narodon ne moredu protisnut jerbo in lunbrele sametadu.
I tako, danas je u gradu dan od – lubrel.
I.B.