(22.6.- 22.7.)

Posal

Celi misec ćete delat kaj nima marva. Ne će van bit pravo (a komu bi i bilo), al' će van se isplatit. Ne u novcima, to nikako, van ćedu van priznat da ste vridni i da delate bez pitanja ča van se da. I da'jdu vas preporučat svakomu. A to je fort sumljivo, ako ste jako dobri, ča'jdu vas preporučat drugima? Ki dobru kravu drugomu prodaje? Niki pametan. Zato pamet u glavu. Ni' ki nemadu posla, zvezde velidu da'jdu nać posal u svojoj struki. A-a, ni' in za verovat. Još velidu da ki ima posal, da će ga moć zaminit za bolji. Ma kadi toga ima?! Da ni' ki samo sididu i čekadu, da će in se posrićit. I oće, takovima se vajk posrići.

Ljubav

Ma tili bi vi, al' van neki vratar ne će dat da se uvatite ljubavni problemov. Zato nigda ne rešavajte tuje probleme, dok ne rešite svoje. Oko vas će bit puno 'ni kima ni' za verovat. Pretvaradu se, aha, pretvaradu, pretvaradu.  Zato verujte samo sebi.

Zdravlje

Bi'ćete spori kaj puž-muž. Lenost se od zime uvukla pa se ne da van. Koliko god divanili proti zime i sniga, sad van nekako kaj muka ča će snig poć, pa falite zimu. A sve zbog lenosti. Do polovice miseca mora'ćete se toga leberat. Boli'će siću toga grebenica, al lika ima – delat.