Ivanja u Švici

ŠVICA – Čera je bila Ivanja u Švici, a crikva sv. Ivan Krstitelja puna kaj čep. A kako i ne će bit kad je to veliki svetak, i zaštitnik plovanije. Do toga se u Švici vajk držalo, i mora se i dalje držat.

Maša je bila popodne, u šest uri, i bila su četira popa. Mašu je peljal Karlo Špoljarić, mladi pop, a pomagali su mu Anđelko Zdeslav Kaćunko (un je bil kaj župnik), Tomislav Šporčić i Jure Ladišić.  Mila pop je bil nešto maganjat pa ni mogal doć, a vapil je da dojde. Fra Jure Marčinković je došal na sam kraj, zakasnil kaj sveti Martin iza Sisveti.

Nakon ča je maša rečena, ispred crikve je užgan mali oganj. Suša je, ni za palit velike ognje, više je da se običaj zadrži neg ča je vatra bila važna sama po sebi. A i vruće je pa još oganj, ma ki bi to mogal izdurat.

Nakon toga verni narod se s popima povukal pred plovaniju, tamo je bilo kolači, Švičkinje napekle, pa soka, vode, pića, ma bilo je svega i svačesa. I tanburalo se i pivalo, neki su i zaigrali, ta el zbor il ni.

M.K.