Eto nami naše Fajbanove

OTOČAC – Eto i Fajbanove, samo ča ni. Pok je svita i vika, Fajbanova je vajk padala na 20. sječnja.  To je negda bil velik zbor, da ga većega ni bilo u devet kotari. Nekako su stari ljudi držali jako do Fajbanove, više neg do Svetoga Trojstva, Bože nan prosti i ne zamiri, morda i zato ča je Fajbanova u sred zime pa se imalo cajta zborovat, a Trojstvo je u kasno proliće kase ima puno posla i ni do šetnje. I ni brez veze ča je Fajbanova vajk na isti datun, a Trojstvo šeće po kolendaru.

Ve godine Fajbanova je u utorak. I bijdu dvi maše, velika u 11 uri, i vičernjica u šest popodne. Kako to bude, i ve godine će doć neki sa strane reć mašu. Vi put je to dr. Davor Vuković, profesor na popovskon falkutetu u Đakovu. A už njega će bi i domaći popov, kako ne, kaj vajk.

Pop Vuković će na vičernjici dat i blagoslov dici ka su rojena lanjske godine. Ma daće blagoslov svoj dici ku dopeljedu u crikvu, kako ne.

A Fajbanova  nikako ne more brez noga mimo crikve. A to je pučko veselje, velidu dajdu se igrat kola, dajdu doć KUD-i, da će bit mrsa i kobasičin za narod, da će bit kolači, da će bit ča i za grlo skvasit, kuvanoga vina, da se more bolje rozgat i da ne bi grlo palo. Ma biće i – tičjega mlika.

I.B.