PRINT
Imaš zanimljivu vijest i želiš je podijeliti s nama?
Polnočica u Švici
Objavljeno: 05.04.2026
ŠVICA – Sinoćke je u Švici, kaj i svake godine, bila polnočica. Peljal ju je a ki drugi van Anđelko Zdeslav Kaćunko. Najprvo su Švičani naložili pred crikvon oganj, kase dobro razgoril, unda ga je blasolovil pop, pa kad je oganj blagoslovlje, zapaljena je i velička uskršnja svića.
Sviću su dali Kaćunku, teška i velika svića, uprtil je pop u naramak i unesal u zaškurenu crikvu. Unesal je tako svitlo voga svita. Tekar kad je vrgal sviću na svoje mesto, kadi će bit cele godine, unda se upalila struja i počela maša. A maši se kaj na svaku Veliku subotu i tin počimlje slavljenje Uskrsa.
Na kraju maše Kaćunko je blagoslovil i ranu ka je u košarami bila pomećana pred malin otlaron.
M.K.
Share
.jpg)
