Čera je bil sveti Medardo

OTOČAC – Oće kiša, ne će kiša – pitanje je sad. A pitanje ni fort munjeno, eto, uvatilo nas to vratarnje globalno zatepljenje pa još vajk ložimo peći jerbo oš poginut od vrućine. Kiša malo, malo pa pane, nikako se dočepat suvoga vrimena i tepline.

Al čera je bil sveti Medardo. Naša baba Franca veli da njoj rekla pred trista godin njezina baba Cuka, a njoj jopet njezina baba koj se niki ni imena ne sićuje, da ako na svetoga Medardu i kap kiše škrone da će tako bit kišovito ni više ni manje van četrdeset ravni dani. Ili, ako na svetoga Medardu ne pane ni kap kiše, more se nebo mezdrat, moredu se oblaci kulat, more se turmat, samo ne smi past, da će bit lipo i bez kiše četrdeset dan. Tako naša baba Franca veli, staro je čeljade, ni' bilo Sjerkovića i ti kojekakovi ča vrime proričedu da ti kažedu, nego se narod ravnal po Medardi. A i moral je, to je bilo vrime kad je trebalo počet kosit i seno spravit, a kakojdu ako je moča? Zato se narod radoval da na Medardu ne bude kiše.

I na svetoga Medaerdu čera ni pala ni kaplja kiše, bilo je lipo, bilo je i oblakov, ali ni padalo. Ako je po svetomu Medardi, unda nas čeka lipo vrime. Pa morda se zerkicu i ugrijemo.

M.K.