LEŠĆE – Sad pondiljak – sad petak, i nedilja fuć. I tako nedilja za nediljen i gotov rujan, eto ti listopada. A unda, na početku listopada, prve nedilje u misecu eto ti u Lešću i Lozarije.
E sadaj se neki neupoućeni pitadu odakljen Lozarija, kakovo je to ime, ča vaj narod u Gackoj izmišlja, minja glase i tako to. A uni ne znadu da se tote dela o - metatezi, da je to u rvackomu jeziku pojava kada se zaminjujedu slozi u nekoj besedi. Tako je od Rozalije nastala Lozarija, od pečurke čepurka, od raspečit se raščepit se, dalo bi se toga još nać. I fala dragomu Bogu, vaj narod ode je sačuval tu našu lipu metatezu. Kaj i kod Fajbanove, a ne Fabijanove. Eto.
Maša će bit u nedilju, 6. listopada, u 11 uri, kako je pok je svita i vika, a peljaće je mons. Milan Šimunović. Druga maša će bit popodne, u 17 uri, tadaj će bit blagoslov male dice.
Al to ni sve, kakakov bi to blagdan bil da ni priprave? Zato su priprave u petak i subotu popodne. U petak će mašu peljat švički plovan Mile Rajković u kapeli sv. Franje u Vrilu, a u subotu isti un.
M.K.