Lika nekretnine

Biškupove kapice i jesen

Objavljeno: 04.10.2019

OTOČAC – Bože mi prosti, oće li se u školi za život morat učit kad je jesen, kad je zima, kako to izgljeda? Morda i oće, svit okrenul k vratru, a vamo pametan da nigda pametniji ni bil. Ako je to tako, ako je svit pametan i prepametan, kako unda da se svemu čudimo kaj tuka … nečemu, da prostite, ni lipo reć.

E, ako se ne zna el jesen il ni, unda svaki to more vidit i pameti se dovrć po biškupovoj kapici. Jerbo toga grmlja ima svagdi, raste to kaj munjeno, a ujesen lipo ocveta, il morda plod da, pa se sve nako na granami crljeni. I unda ni stari narod bil munjen kad je tomu nadenul da je – biškupova kapica. Jerbo, kad čovik malo bolje pogljeda, ni šćeto crveno, van nako malko kaj da je škurije, kaj da malko nanaša prema ljubičastomu, ali samo mrvinju, baš kaj ča je biškupova kapa, ni una crljena, već malo nako. Unda jopet kase vidi kako to izgljeda, po izgljedu je još sličnije biškupovoj kapi, oćemo reć biretu. Samo fali na vrvu - cof.

Čin čovik vidi biškupove kapice, zna da je jesen.

I.B.

 
PROLJEĆE NA PLITVIČKIM JEZERIMA
LiveCam Otočac
SenjskaBura.hr
GlasLike.hr