OTOČAC – Kudaj je sve naprnulo na nas, tudaj i vrime. Bori se ti proti korone, bori se proti potresa, bori se proti sniga, proti vetra, pa to bi vratra satrlo da ne bi krsta. Snigu se, el, malo ki nadal, kaj prošlo je, prošla je zima, a vidi ti sad. Do kolena ga je bilo, red je bilo i prtine gradit oko kuće. Kadi je komu kakov strmac, neš s avton lako izać. I ralice su špartale, s koin merakon su vozile vamo-namo, zamislite vi koliko in je zima bez sniga izbila novac iz šak, a?
I sadaj, kad bi čovik i rekal da će bit kaj lipše, eto ti Vakule i jopet najavljuje snig i buru. Da će bit studeno i dajdu pafulje sve do mora prvat. I unda velidu da ostani u izolaciji, kako neš ostat kad za uvani bit ni, red se zatuć u kuću, ložit oganj i grijat se. Došal vrag na svit, to ti je.
I.B.