OTOČAC – Pa sve napalo na vaj munjeni svit, nema mu spasa. Naprnula korona, naprnulo i ružno vrime, bog ti boga ubil, već polovica travnja a uno snig pada. I ne šali se to tek toliko da poplaši, pada un. I još metrolozi najavili da će vi dani bit uitro studeno, negda velidu do -7, negda -4, al kako god se okrene – veli naša baba Mande da je to posledica globalnog zatepljenja. More, more bit, zateplilo pa pada snig, puše bura, pada mraz i tako te lipote od tepline.
A stari narod je gatal oće li sv. Jure doć na crnomu ili zelenomu konju. A to je već druge nedilje. Na crnomu ako šuma ne prolistala, a na zelenomu ako šuma prolista. Kako je krenulo, pitanje je oće li ve godine sv. Jure tit i doć. Ako iča ima frštunta, el. sveti Jure, neg odgodi, tamo negdi za svibanj, il još bolje za lipanj, ča je siguro, siguro je.
I.B.