Jutroske mi i Bednja - najstudeniji

OTOČAC – Eto, jutroske je zerkicu ščvrklo. Vi ča miridu na toplomer velidu da je bilo -11. I da smo i ta nekva vratarnja Bednja (a kadi je ta, to sam Bog zna) bili u Rvackoj najledeniji. Mi se spominjemo il kasmo najledeniji il kad iskrsnedu kakove prdačine pa se cela država križon križa (el z Gackon, el s najskupljon vodon, el s radijon, el s vrtlićen, el s priznanjiman, ijh, ima toga).

A i neka, krivili smo se za zimon, pa eto nan je na. Još kako velidu da će napadat iza Novoga leta dva metera sniga i da će se bit čvika do -20, pa da krst užije u toj lipoti i dobroti. I još ako struje nestane, pa svitli na sviće, a more se i vrstašca od šparketa otvorit da svitli (ki ima šparket). A naj ki ima centralno – suši brke.

Neka se mi naužijemo zime, neka. Pa da više ne brndamo kako smo to – edva dočekali.

I.B.