OTOČAC – Čera popodne su bili Maći mačkarići. Bilo je 'ni od naramka pa do đakov. A kako i ne će kad je na mačkarićima lipo, red je bilo mamami dicu opravit i š njimi u Gacko pučko otvoreno učilišće doć.
A tekar maske, nema česa ni' bilo – princeze, viške (Bože nan prosti), gusari, čelice, babe, dedi, a u ne nekve ča gljedamo na televizoru, u te se ni ne razumimo kako se zovedu, kako in je ime, i takovi je bilo. Nu.
Dica kaj dica, ali jopet, treba nji zabavit. Zato su se tote našle tete ke su smišljale svakakove vragolije da bi mačkariće zabavile. A nimi maćima, nimi su se znale i oči sklopit, valjda su Maći mačkarići potrefili baš u vrime kad uni gredu aaaa-aj.
Kako bilo da bilo, Maći mačkarići se ne dadu poborit nimi velikima – Mačkrami u Gackoj. Ma kakov poborit, jok.
M. K.