OTOČAC – To ti je slanina! Ni to bilo kakova mrledina, već baš nako … pravi komad slanine. Lipa, bela, debela, ma milina za pogljedat u nju, a kamoli puist. Jerbo ve kupovne slanine, to ti je … ma to ti je kad negdanja potrbušina, slaninu ni ni vidilo.
A kad ti odrižeš komad negdanje slanine iz grebenice, a ona bela, na pedalj debela, čija deblja – fala veća, to se pitalo. Pa jopet kase prosuši na gužvi, pa kad odrižeš koliko pedljon okružiš i rneš odedanput za vičeru, trbuv – mera!
E takove se slanine danaske na ženskoj placi moglo kupit. I novi dokturi velidu da je takova slanina zdrava, da zdravije ne more bit niš od nje. Da takova ne škodi ni nima ki curak imadu, ne će cukar na domaću belu slaninu. Al da oće na nu industrijsku, u koj ima, sam vrag zna česa u njoj nema. Al narod je odranije ustrašen, pa svi divanidu o visokomu tlaku (tlak smo negda prasciman mlili), o mrsnoćama u krvi, o cukru i svi prolazidu i slabo zimljedu. Ka šteta, a slanina je pravo zdravlje, nu.
I.B.