Imaš zanimljivu vijest i želiš je podijeliti s nama?
OTOČAC – Bože mili lipote, kad ti nji vidiš nako poslagane – kaj tuljani, sve se na njimi legeće. Debeljucni kadi god okreneš, ima i, ima, a, da prostite, kakove samo guzice imadu. To su pršuti! Narivalo danaske pracac na blaženu placu, ni ki prodajedu ima, ni ki kupujedu baš i nama. A cena, cena kaj cena, za frišljing 16 kun po kili. Nekomu puno, drugomu malo, vajk bilo i biće tako.
Vratarnji narod ne kupuje, sfinil se, ne će više niki da kupi prase, da ga još podrani, da prejde na domaću ranu i onda nož podvrat. Jok, svi čekadu vrime od klanja pa naj dan kad ga kupi već popodne zakolje. Gospošćina zavladala, borami je.
I.B.