ŠVICA – Čera je bilo lipo u Švici kod crikve, a kako i ne će ta bila je Telova. I ne samo da je bila Telova, a unda je tote prošešija oko crikve, sagradidu se četira oltarića ka su okićena granami i rožicami kod koga se moli, van je pop Mile Rajković lipo man obavil i sakrament prve svete pričesti za švičku dicu, nji deset. Mudar un, el pop Mile, unda u crikvu dojde puno svita. Tote su ni ki vajk u crikvu dolazidu, al unda su tote i matere, ćaće, tete, babe, strine, ujne, cele familije ocvakudaj. A ima i noga vernoga naroda kaj pojde vidit, da vidi, ne treba ni njega zametnut. Kad se k tomu još pridometne da je bil lip dan, ni prevruće ni preledeno, baš nako vrime po meri, a da kako će bit drugovačije van lipo. I blagoslovljeno.
M. K.
Foto: M.K.G.