Imaš zanimljivu vijest i želiš je podijeliti s nama?
OTOČAC – Kad se čovik uvati farbanja, svašta se more ofarbat. More se farbat, ograja, more lesa, neki more farbat i – oblake, kako ki. Unda jopet more se nekomu farbat ovo il ono. Vrime je da se i u Otošcu farba. A more se farbat i cesta.
Došlo vrime da se po cesti mećedu bele parte. A kadaj će ako ne će po letu, red je to pošpricat, mora se osušit, čin prije tin bolje jerbo naši šoferi su jako, jako nestrpljivi, pa unda gumami prelazidu, vozidu slalom izmed ni čunjićev, razmažedu partu. Ča si delal – niš, kadi si bil – nigdi. Red je vrć pravu letvu da se to ne dogodi. A Bože moj, ljudi kaj ljudi, ima nas svakakovi u Božjoj bašći, e.
I.B.